Op dunderdag den eesten van de oogstmaend hemme de tweeden zeumeraevenwestrijd evist bie “t Aerpeldal”van zevene toet halluf tiene’s-aevens.
Het weer was hetzelde as 2 weken helee m.d.v. dat de wind ietsje minder was. Di stieng nog wè een behoorlijk briesje, dus je kon nie”kuteplaetere”, mè twas wè hoed vò de zeebaars.
Di wère 90 deelnimmers en die vienge 180 vissen, dus precies 2 hemiddeld.
Di kwaeme oolerlei soorten vis uut zoas: bot, zeebaars, schol, makreel, en zellufs een mul en een lipvis.
Jarno, die a den eesten wedstrijd ewonnen ô, rocht in den lesten drooi een haai kwiet in de golfslag en mede hierdeur vorloor ie den eeste plekke in het tussenklassement.
Dan den uutslag: Het potje wier ewonne deur Johan Rombouts. Ie vieng 13 visjes mee een totale lengte van 232 cm. Op ruum een aalve meter volgde Arjan Marijs mee 10 vissen en 181 cm. En het podium wier kompleet emaekt deur William Dronkers mee 8 vissen en 173 cm. Opmèrkelijk was de 6e plekke van, jeugdlid onder de 12 jaar, Luc Knulst mee 6 vissen en 159 cm. Ie wurmde zuneige knap tussen de ouwe garde.
In de tussenstand nae 2 westrijden zie me dat de eeste 4 plekken ore bezet deur team “Bouw an de Koeie”, gevolgd deur Johan Rombouts.
1. Jaap Minderhoud 13 punten
2. Joeri minderhoud 22 punten
3. Janko de Witte 23 punten
4. Kristiaan Minderhoud 23 punten
5. Johan Rombouts 24 punten
Dinae volgt ur een gat van 8 punten, dus je zie wè, dat ut errug spannend is.
Nae de westrijd wast nog gezellig op de tente van Blöv mee o.a. een verlotienge en de priesuutriekienge.
De volgende zeumeraevenwestrijd is over 14 daegen t.w. 15 augustus zelfde plekke en tiet.
Doe mee en geef je op.!!!!
Toet over 14 daegen dan ziek je wè.
Uitslag Zomeravondwedstrijd 2 2019
Tussenstand Zomeravondcompetitie na 2 wedstrijden